Израиль Ирандағы ең ірі газ кен орындарының бірі – Оңтүстік Парс нысанына соққы жасағаннан кейін Brent маркалы мұнай бағасы барреліне 110 долларға дейін көтерілді. Ал америкалық WTI мұнайы 98 долларға дейін қымбаттаған.

Әуе соққылары Асалуйе аймағындағы мұнай инфрақұрылымына да бағытталған. Осы жағдай энергия ресурстарының жеткізілуіне қатысты алаңдаушылықты күшейтті.

Нарықтағы белгісіздік инвесторлардың көңіл күйіне де әсер етті. Геосаяси тәуекелдердің артуына байланысты қор нарықтарында акциялар арзандай бастады.

Сарапшылар бұл жағдайдың мұнай нарығына қысым түсіріп, бағаның құбылуына әкелуі мүмкін екенін жоққа шығармайды.