Солтүстік Кореяда кеудесін үлкейткен әйелдер мен ол операцияны жасаған дәрігерлерге қатаң жаза қолданылмақ. Билік мұндай пластикалық оталарды «капиталистік әдет», яғни социалистік қоғамға жат қылық деп санайды.
Жақында елде осындай операция жасаған ер адам мен оның екі пациенті сотқа тартылды. Белгілі болғандай, ол медицина оқуын тастап кеткен студент болып шыққан. Ол Қытайдан жасырын әкелінген силиконды пайдаланып, операцияны өз үйінде жасаған. Қауіпсіздік қызметі оны сол жерде ұстаған.
Сотта силикон, медициналық құралдар мен ақшалар айғақ ретінде көрсетілді.
«Социалистік қоғамдағы әйелдер буржуазиялық әдеттердің ықпалына түсіп, капиталистік қылықтарға барады», — деді прокурор сотта.
Сот олардың әрекетін «антисоциалистік» деп танып, еңбек лагеріне жіберілуі мүмкін екенін мәлімдеді.
Осы оқиғадан кейін елдің әлеуметтік қамсыздандыру министрлігі жергілікті басшыларға сырт келбеті өзгерген әйелдерді анықтап, тексеруге жіберу туралы бұйрық берген.
Яғни, Солтүстік Кореяда әйелдердің сырт келбетін өзгерткісі келуі қылмыс ретінде қаралып, билік оларды арнайы қадағалауға алды.
DALAMEDIA admin
7
0