Кешкі асқа қатысқандардың кейбірі бірнеше қатты дыбысты естігенін айтқан, алайда олардың қайдан шыққаны белгісіз-деп хабарлайды «Dalamedia» ақпараттық порталы.

Журналистер, шенеуніктер және құрметті қонақтар абдырап, үстелдердің астына тығылған. АҚШ Құпия қызметінің агенттері де Washington Hilton қонақүйінің бал залында болды.

The New York Times мәліметінше, президент жараланбаған. Трамп бұл кешкі асқа АҚШ президенті ретінде алғаш рет қатысқан.

Кейін Дональд Трамп Truth Social әлеуметтік желісінде жазба жариялады.

"Вашингтондағы кеш керемет өтті. Құпия қызмет пен құқық қорғау органдары тамаша жұмыс атқарды. Олар жылдам әрі батыл әрекет етті", – деп жазды Трамп.

Ол күдікті атқыштың ұсталғанын айтты.