Иран Ормуз бұғазында екі бірдей контейнерлік кемені тоқтатып, бақылауға алғаны белгілі болды, ,-деп хабарлайды «Dalamedia» ақпараттық порталы.

Ақпаратқа сәйкес, Иранның Ислам революциясы сақшылары корпусы MSC-Francesca және Epaminondas кемелерін ұстап, оларды тексеру үшін өз аумақтық суларына бағыттаған. Алдын ала деректерде кемелердің бірі АҚШ әскерімен, екіншісі Израильмен байланысты болуы мүмкін деген күдік айтылуда.

Қазір оқиғаның нақты мән-жайы анықталып жатыр. Тараптар ресми мәлімдеме жасаған жоқ.

Айта кетейік, Ормуз бұғазы – әлемдегі ең маңызды теңіз дәліздерінің бірі. Бұл аймақ арқылы жаһандық мұнай тасымалының шамамен 20 пайызы өтеді. Сондықтан мұндағы кез келген шиеленіс халықаралық нарыққа тікелей әсер етуі мүмкін.