Моңғолия парламентінде депутат пен қала әкімінің орынбасары арасындағы пікірталас соңы жанжалға дейін жетті,-деп хабарлайды «Dalamedia» ақпараттық порталы.

Оқиға депутат Дашцэрэнгийн Энхтүвшин мен қала әкімінің орынбасары Т. Даваадалай арасында өткен талқылау барысында болған. Келіссөз қызған сәтте екі тараптың арасындағы сөз тартысы күшейіп, жағдай ушыға түскен.

Куәгерлердің айтуынша, қызу пікір алмасу кезінде дау өршіп, соңы қол жұмсауға дейін барған. Депутат қарсы тарапқа қол көтергені айтылады.

Қазіргі уақытта оқиғаның нақты мән-жайы анықталу үстінде. Бұл жайт қоғамда кеңінен талқыланып, мемлекеттік қызметкерлердің әрекетіне қатысты әртүрлі пікірлер айтылуда.