Арменияның Орталық сайлау комиссиясы парламент сайлауына қатысты барлық бюллетеньдерді санап шықты. Нәтижесінде премьер-министр Никол Пашинян жетекшілік ететін «Азаматтық келісім» партиясы 49,8 пайыз дауыс жинап, алдыңғы орынға шықты ,-деп хабарлайды «Dalamedia» ақпараттық порталы.

Екінші орын кәсіпкер Самвел Карапетян қолдайтын «Күшті Армения» партиялар блогына бұйырды. Олар сайлаушылардың 23,3 пайыз дауысын иеленген.

Сонымен қатар парламентке бұрынғы президент Роберт Кочарян басқаратын «Армения» партиясы (9,9 пайыз) және «Гүлденген Армения» партиясы (4 пайыз) да өткен.

Дегенмен Пашинян партиясы ең көп дауыс жинағанымен, 50 пайыздық межеден аса алмағандықтан, үкіметті жеке өзі құра алмайды. Соған қарамастан, парламентте басым орынға ие болып отыр.

Айта кетейік, Қазақстан Президенті Қасым-Жомарт Тоқаев Никол Пашинянды сайлаудағы жеңісімен құттықтап, Армениямен түрлі саладағы ынтымақтастықты нығайтуға дайын екенін жеткізді.