Қасым-Жомарт Тоқаев тарихты халықтарды жақындастыратын, өзара түсіністік пен ынтымақты нығайтатын құндылық ретінде қарастыру қажет екенін айтты, ,-деп хабарлайды «Dalamedia» ақпараттық порталы.

Президенттің сөзінше, тарих елдер мен халықтардың арасын жалғайтын алтын көпірге айналып, әділетті әрі қауіпсіз әлем қалыптастыруға қызмет етуі тиіс. Осы мақсатта ортақ мүдде жолында күш біріктіріп, бірлесе әрекет ету маңызды.

Мемлекет басшысы симпозиум барысында айтылатын салмақты ойлар мен тың ұсыныстар жаңа ғылыми зерттеулерге, халықаралық жобалар мен экспедицияларға негіз болатынына сенім білдірді.

Сондай-ақ Қасым-Жомарт Тоқаев бұл симпозиумды алдағы уақытта тұрақты түрде өткізу жоспарланып отырғанын жеткізді.