Михаил Шайдоров келісімшарттағы бірқатар тармақтарға қатысты даулы жағдайлар бар екенін мәлімдеді, -деп хабарлайды «Dalamedia» ақпараттық порталы.

Спортшының айтуынша, 2026 жылдың соңына дейін жасалатын құжатта 2030 жылғы Олимпиадада медаль алу міндеті көрсетілген. Сонымен қатар ол Қазақстан Республикасының еңбек сіңірген спорт шебері куәлігі әлі табысталмағанын айтып, бұл атақты 2025 жылғы әлем чемпионатында күміс жүлде алғаннан кейін алуы тиіс болғанын жеткізді.

Шайдоров оқу-жаттығу жиынына қатысты да қиындықтар барын атап өтті. Оның сөзінше, смета бекітілмегендіктен және билет алынбағандықтан, алдағы дайындыққа қатысты белгісіздік туындап отыр. Сондай-ақ ақпан айынан бері медициналық сүйемелдеусіз қалғанын да айтты.

Спортшы өзіне тағылған сындарға да жауап беріп, төленбеген қаражатты балаларға көмек көрсетуге жұмсайтынын мәлім етті.