Тараз қаласындағы Ұлы Дала шағынауданында 51 жастағы ер адам 5-қабаттан құлап көз жұмды,-деп хабарлайды «Dalamedia» ақпараттық порталы.

Жедел жәрдем пультіне ер адамның суицид жасауға әрекеттенгені туралы хабар түскен. Мәлімет бойынша, ол психоневрологиялық есепте тұрған. Оқиға орнына бірден психиатриялық бригада жіберілген.

Оқиға орнына жеткен дәрігерлер ер адамның пәтер ішінде қамалып отырғанын анықтаған. Кейін полиция мен құтқарушылар шақырылып, қосымша қызметтер де жұмылдырылды. Құтқарушылар балкон арқылы ішке кірмек болған сәтте, ер адам кенеттен төменге секіріп кеткен. Дайындалған қауіпсіздік төсенішіне қарамастан, ол ауыр жарақат алып, оқиға орнында қаза болды.