Жобада мемлекеттік қызмет көрсету мерзімдері 90 күннен 40 жұмыс күніне дейін қысқартылмақ. Бұл өзгертулер шетелде жүрген қазақстандықтарға паспорттар жасау процесін жеңілдетуге және қызмет сапасын жақсартуға бағытталған.

Сонымен қатар, құжатта ескірген нормалар мен заңнамалық сілтемелер алынып тасталады. Бұған «Мемлекеттік және әлеуметтік жауапкершілігі бар көрсетілетін қызметтер туралы» заң және Цифрлық кодекстегі өзгерістер себеп болған.

Бұйрық жобасының басты мақсаты – шетелде жүрген азаматтарға паспорт жасау қызметін жылдам әрі тиімді ұсыну. Құжаттың енгізілуі әлеуметтік-экономикалық немесе құқықтық тұрғыдан теріс салдар туғызбайды, ұлттық қауіпсіздікке де әсер етпейді деп көрсетілген.

Жаңалыққа сәйкес, құжат қабылданса, шетелде жүрген қазақстандықтар үшін паспорт алу процедурасы едәуір жеңілдейді және уақытты қысқартуға мүмкіндік береді.