2025 жылы Ақтөбе облысында 99 жасөспірім қыз жүкті болған, - деп хабарлайды «Dalamedia» ақпараттық порталы «Диапазон» басылымына сілтеме жасап. Олардың басым бөлігі - 17-18 жастағы колледж студенттері.

Мамандардың айтуынша, жасөспірімдердің көбі жүктілігін бірден байқамайды. Соның салдарынан дәрігерге кеш жүгініп, тек 20-21 апта шамасында ғана тексеріске келеді.

Дәрігерлердің сөзінше, мұндай жүктіліктің 97-98 пайызы босанумен аяқталады. Көп жағдайда жас аналар сәбиден бас тартпайды. Алайда ерте жүктілік қыз баланың денсаулығына қауіп төндіріп, асқыну қаупін арттырады.

Сондай-ақ жасөспірімдер психологиялық қысымға жиі ұшырайды. Мамандар бұл жағдайда отбасының қолдауы аса маңызды екенін атап өтеді.

Ең жас жүкті қыз - 14 жаста.