Енді ол федерация президентінің кеңесшісі ретінде жұмыс істейді. Ресми мәліметке сәйкес, Сәпиев ұлттық құрамалардың нәтижесін арттыруға, боксты дамытуға және Олимпиада ойындарында жоғары жетістікке жетуге бағытталған жұмыстарды үйлестіреді.

Айта кетейік, бұған дейін ол Туризм және спорт министрінің штаттан тыс кеңесшісі, сондай-ақ XX жазғы Азия ойындарына дайындық штабының спорт бағытын үйлестірген болатын.

Сонымен бірге, Серік Сәпиев пен оның орынбасары Дәурен Есімханов бұған дейін Қарағанды облысының дене шынықтыру және спорт басқармасындағы қызметтерінен босатылған еді. Кейін олардың атына қатысты түрлі әңгімелер тарағанымен, ресми түрде бұл ақпараттардың шындыққа жанаспайтыны айтылды.

Жаңа қызметте Сәпиев енді бар тәжірибесін ел боксының дамуына жұмсап, ұлттық құраманың нәтижесін жаңа деңгейге көтеруге күш салмақ.