Аға прокурордың көмекшісі Олжас Хайруллаевтың айтуынша, тергеу барысында блогерлерге Қазақстан Республикасы Қылмыстық кодексінің бірнеше бабы бойынша айып тағылған. Атап айтқанда, олар 214-бап – заңсыз кәсіпкерлік және 218-бап – қылмыстық жолмен алынған қаражатты заңдастыру бойынша күдікке ілінген.

Прокуратура өкілінің сөзінше, егер сотта олардың кінәсі дәлелденсе, аталған баптар бойынша 7 жылға дейін бас бостандығынан айыру жазасы қолданылуы мүмкін. Сонымен бірге заңда баламалы жаза түрлері де қарастырылған.

Мәселен, Қылмыстық кодекстің 218-бабының екінші бөлігі бойынша айыппұл көлемі 7 мың айлық есептік көрсеткішке дейін жетуі ықтимал. Қазіргі есеп бойынша бұл шамамен 1 миллиард теңгеге жуық соманы құрауы мүмкін. Прокуратура өкілі нақты жаза түрін сот анықтайтынын атап өтті.