Президент тапсырмасына сәйкес елімізде «Наурызнаманың» жаңа концепциясы әзірленді. Осылайша, мерекелік іс-шаралар 10 күн бойы тойланады. Жаңа күнтізбеге сәйкес, 16 наурыз — Мәдениет және ұлттық салт-дәстүр күні деп бекітілді, — деп хабарлайды «Dalamedia» ақпараттық порталы.

Бұл күн халқымыздың мәдениеті мен ұлттық дәстүрін дәріптеуге арналған. Мереке аясында өнеріміз, салт-дәстүріміз және ұлттық құндылықтарымызды кеңінен насихаттау көзделген. Қазақ халқының басты құндылықтарының бірі — салт-дәстүрі. Осы күні «Сүйінші сұрау», «Балаға ат қою», «Бесікке салу», «Тұсаукесер», «Беташар» сияқты дәстүрлі ғұрыптар жанданып, дәріптеледі.

Бұл күн, халқымыздың бай мәдени мұрасын насихаттау арқылы ұлттық болмысымызды сақтауға, бірлігімізді нығайтуға бағытталған.