Лилия монетаның нақты қанша тұратынын білгісі келгенімен, әзірге оны сатуға асықпайтынын айтты. “Бұл монетаны күйеуім 2015 жылы 8 наурызға сыйлаған еді. Көп жыл бойы сақтап жүрдім. Жақында ғана оның өз құнын білгім келді”, – дейді ол.

Ұлттық банктің мәліметінше, бұл – 2015 жылы шыққан “Монета-сыйлық” сериясындағы “8 наурыз” атты 100 теңгелік коллекциялық монета. Ол 925 сынамалы күмістен жасалған, салмағы 31,1 грамм, тиражы небәрі 4000 дана. Мұндай монеталарды қазір ресми арналардан сатып алу мүмкін емес, тек нумизматтардан табуға болады. Дегенмен, монета Қазақстан аумағында төлем жасауға жарамды, яғни номиналы бойынша 100 теңге ретінде қабылданады.