Астанадағы мемлекеттік балабақшаларға күзет дабылы жүйелері мен бейнебақылау камераларын орнату үшін бюджеттен 3,36 миллиард теңге бөлу жоспарлануда. Мемлекеттік сатып алу порталында жарияланған мәліметке сәйкес, жобаның тапсырыс берушісі - Астана қаласының Цифрландыру және мемлекеттік қызметтер басқармасы. Сатып алу бір ғана лотпен жүргізіледі, сондықтан жұмыстар кезеңдерге бөлінбеген.

Аталмыш лот аясында балабақшаларға күзет дабылы жүйелері мен бейнебақылау камераларын орнату көзделген. Ал жобаның жалпы құны - 3 362 293 103,45 теңгені құрайды.

Конкурс талаптарына сәйкес, тиісті жұмыстар шарт жасалған күннен бастап 2028 жылдың 31 желтоқсанына дейін аяқталуы тиіс. Ал шартты орындаудың ең қысқа мерзімі - 15 күн. Осы себептен жоба бірнеше кезеңмен іске асырылуы да мүмкін.

Айта кетейік бүгінде Астана қаласында 600-ден астам мектепке дейінгі ұйым жұмыс істейді.