Сот отырысы барысында блогер кінәсін ішінара мойындады: ол бейәдеп сөздер қолданғанын растады, алайда ешкімді қорламақ ниеті болмағанын айтты.

Бап бойынша оған 15 тәулікке дейін әкімшілік қамау қарастырылған еді, алайда сот ондай жаза тағайындай алмады, себебі оның 2016 жылы туған баласы бар. Бұл жағдай жеңілдететін мән-жай ретінде ескерілді.

Нәтижесінде сот оған 20 АЕК көлемінде — 78 640 теңге айыппұл салды. Соттан кейін блогер айыппұлды төлеу үшін жазылушыларынан көмек сұрады.

Дау блогердің видеосында балалардың мүгедектікпен тууын «ойнаспен» байланыстырып, мұны «табиғат заңы» деп атағанынан кейін басталды. Дәл осы мәлімдемелер қоғамның қатты ашуын туғызып, әкімшілік іске негіз болды.