Алматыда әлеуметтік желіде сәбиін көтеріп, курьер болып жұмыс істеп жүрген әйелге қатысты жағдай қоғам назарын аударды, — деп хабарлайды «Dalamedia» ақпараттық порталы.

Желі қолданушылары Threads платформасында жарияланған фотодан кейін әйелді іздей бастаған. Алайда көп ұзамай алаяқтар осы жағдайды пайдаланып, оның атынан ақша жинау әрекетін бастағаны белгілі болды.

Сәбиін көтеріп жүрген әйелдің суретін блогер Sasha Wu’style жариялаған. Оның айтуынша, ол әйелді Алматыдағы Брусиловский көшесінің бойында кездестірген.

«Кеше Алматыдағы Брусиловский көшесінде сәбиімен жүрген қызды көрдім. Оған деген құрметім артып, бұл туралы жазба жариялауды жөн көрдім. Жазба үлкен резонанс тудырды. Өкінішке қарай, оған жақындап барып көмек ұсынуды ойламаппын, қазір соған өкінемін. Оның үстіне, бірден қаражат жинау үшін фотосын жарияласам, адамдар мұны кезекті алаяқтық деп қабылдар еді. Оны біреу танып, тауып алып, көмек қолын созады деп үміттенемін», – деп жазды блогер.

Қазіргі уақытта бұл оқиғаға байланысты алаяқтық әрекеттердің таралуы әлеуметтік желіде қызу талқыланып жатыр.