Ақтөбеде тұрғын үй ауласындағы футбол алаңында бала жарақат алды, — деп хабарлайды «Dalamedia» ақпараттық порталы.

Оқиға 12-шағын аудандағы №45 ғимараттың ауласында болған. Бекітілмеген футбол қақпасының бағаны құлап, баланың үстіне түскен. Жарақат алған бала дереу ауруханаға жеткізілді.

Аталған дерек бойынша полиция қылмыстық іс қозғап, тергеу амалдарын бастады. Бұл жағдай Қылмыстық кодекстің 306-бабы — «Қауіпсіздік талаптарына сай келмейтін жұмыстарды орындау немесе қызметтер көрсету» бойынша тіркелген.

Ақтөбе облыстық полиция департаментінің мәліметінше, футбол алаңының салынуы мен оны күтіп ұстау жағдайлары қала әкімдігінің тұрғын үй-коммуналдық шаруашылық бөлімі тарапынан тексеріліп жатыр.