Төтенше жағдайлар министрлігі жаңа арнайы техниканы таныстырды. Ведомствоның мәліметінше, енді іздестіру-құтқару және жедел әрекет ету жұмыстарында Tesla Cybertruck көлігі қолданылатын болады ,-деп хабарлайды «Dalamedia» ақпараттық порталы.

Министрлік өкілдері бұл көліктің негізгі мақсаты төтенше жағдай орын алған аумаққа тез жету, құтқарушылардың жұмысын үйлестіру және операциялық басқаруды күшейту екенін айтады.

Аталған электропикап қазіргі таңда тек көлік ретінде емес, жылжымалы командалық пункт ретінде де пайдаланылады. Оның ішінде дрондар, спутниктік интернет жүйесі, арнайы байланыс құралдары және автономды қуат көздері қарастырылған. Бұл құтқару қызметтеріне оқиға орнынан тікелей дерек алып, жедел шешім қабылдауға мүмкіндік береді.

Сондай-ақ, министрлік мәліметінше, Cybertruck көлігі бұған дейін де еліміздегі тау және қиын аймақтардағы іздестіру-құтқару операцияларында сынақ режимінде қолданылған.