Қазақ қоғамындағы қонақжайлық ұғымының бүгінгі сипаты әлеуметтік желіде кеңінен талқыланып, түрлі пікірлерге себеп болды, -деп хабарлайды «Dalamedia» ақпараттық порталы.

Пікір білдірушілердің айтуынша, соңғы жылдары «шексіз қонақжайлық» біртіндеп табиғи мәдени құндылықтан гөрі сырт көздің бағасына тәуелді мінезге ұқсап барады. Әсіресе, сырттан келген адамдарға ерекше ілтипат көрсету жиілегені айтылуда.

Осы тұрғыда кейбір пікірлерде мұндай үрдіс өз құндылығын өзгелердің мақұлдауымен өлшеуге ұмтылу сияқты әсер қалдыратыны сөз болады. Тіпті кей жағдайда қазақ қоғамы өз жерінде тым икемді, бәріне бейім орта ретінде қабылдануы мүмкін деген ойлар да айтылады.

Сонымен қатар дәстүрлі қонақжайлықтың мәні бұрыннан өзара сыйластық пен тәртіпке негізделгені еске салынады. Яғни, қонаққа құрмет көрсетілуімен қатар, үй иесінің де өз шекарасы сақталуы тиіс екені айтылады.

Желі қолданушылары бұл тақырыпқа әртүрлі пікір білдірді. Бір бөлігі мұны орынды қоғамдық талқылау деп қабылдаса, енді бірі қазақтың қонақжайлығын сынға алуға қарсы шықты.