Қазақстанда ескі үлгідегі банкноттарды айналымнан шығару жұмыстары жалғасып жатыр,-деп хабарлайды «Dalamedia» ақпараттық порталы.

Ұлттық банктің мәліметінше, 24 маусымнан бастап 2000 теңгелік ескі купюралардың айналымда қатар жүру мерзімі аяқталады. Бұған дейін, 2024 жылдың 25 желтоқсанынан 2026 жылдың 24 маусымына дейін бұл ақша жаңа үлгідегі банкноттармен бірге қолданылып келді.

Сонымен қатар, бұрын 10 000 теңгелік ескі купюраларды 2026 жылдың 27 маусымынан бастап толық айналымнан шығару жоспарланған еді. Алайда қаржы реттеушісі бұл мерзімді тағы бір жылға ұзарту жөнінде шешім қабылдады.

Ал жаңа 20 мың теңгелік банкнот келесі жылы қолданысқа енгізіледі деп күтілуде.

Айта кетейік, белгіленген мерзім өткеннен кейін де азаматтар ескі банкноттарды Ұлттық банк пен уәкілетті банктер арқылы айырбастай алады.