Басылым мәліметінше, 18 және 19 наурыз күндері Рас-Лаффан ауданындағы газ кәсіпорындарына соққы жасалған. Бұл әрекеттер АҚШ пен Израильдің Иранның «Оңтүстік Парс» кен орнына жасаған шабуылдарына жауап ретінде қарастырылып отыр.

Жарияланымда QatarEnergy нысандарына жасалған шабуылдар барысында АҚШ-та әзірленген әуе қорғаныс жүйелерін айналып өте алатын, маневр жасай алатын заманауи ракеталар қолданылғаны атап өтіледі.

Аймақтағы әскери шиеленіс 28 ақпаннан бері жалғасып келеді. Сол уақыттан бері тараптар бір-біріне тұрақты түрде соққы жасап, соның ішінде мұнай-газ инфрақұрылымдары да нысанаға алынуда.

Қақтығыстың ушығуы Парсы шығанағынан мұнай мен сұйытылған табиғи газ тасымалданатын негізгі бағыт — Ормуз бұғазы арқылы кеме қатынасына елеулі шектеулерге әкелді.

АҚШ президенті Дональд Трамп егер Иран бұғазды ашпаса, Вашингтон оның энергетикалық инфрақұрылымына соққы беруі мүмкін екенін мәлімдеді. Бұған жауап ретінде Тегеран бұғазды толық жабатынын және өңірдегі энергетикалық әрі мұнай нысандарына қарсы соққы жасайтынын ескертті.