Орталық сайлау комиссиясының хатшысы Шавкат Өтемісовтің айтуынша, алдағы Құрылтай сайлауын өткізуге жұмсалатын қаражат АЭС құрылысы бойынша өткен референдумнан да асып түсуі ықтимал, ,-деп хабарлайды «Dalamedia» ақпараттық порталы.

Өтемісовтің сөзінше, референдумды ұйымдастыруға бұған дейін 15,5 миллиард теңге жұмсалған. Ал Құрылтай сайлауының нақты құны әзірге белгісіз.

«Қымбатқа түсуі мүмкін деп болжап отырмыз. Бірақ нақты соманы қазір айта алмаймыз. Барлығы Құрылтай сайлауының қашан өтетініне байланысты. Соған қарай есеп жүргізіледі», – деді ол.

Сондай-ақ ол сайлау күні ресми бекітілгеннен кейін ғана комиссия мүшелерінің еңбекақысы мен өзге де шығындар толық есептелетінін атап өтті. Оның айтуынша, дәл осы төлемдер сайлау шығынының негізгі бөлігін құрайды.

Айта кетейік, бұған дейін Жаңа Конституцияны қабылдау жөніндегі референдумға 20,8 миллиард теңге бөлінгені хабарланған болатын.