Олардың сөзінше, 2025 жылы мектеп бітірген оқушылардың ата-аналары былтыр көктемде арнайы компаниямен келісімшартқа отырған. Балаларына естелік альбом жасатуды көздеген олар қызмет ақысын толық төлеуге келіскен.

Алдымен келісілген соманың жартысын беріп, оқушыларды суретке түсіргеннен кейін үш күн ішінде қалған бөлігін де өтеген. Алайда содан бері бір жылға жуық уақыт өтсе де, дайын өнім қолдарына тимеген.

Қазір ата-аналар жауапты тараптан нақты түсініктеме күтуде. Даулы жағдайға байланысты құзырлы органдардың ұстанымы мен кәсіпкердің жауабы алдағы уақытта белгілі болмақ.