Алматыдағы Алма-Арасан шатқалында 15 жастағы жасөспірім жартастан құлап, аяғынан жарақат алды, -деп хабарлайды «Dalamedia» ақпараттық порталы.

Оқиға Бостандық ауданындағы Терра алаңы маңында болған. Зардап шеккен жасөспірімге куә болған адамдар дереу құтқарушылардан көмек сұраған.

Хабарлама түскеннен кейін оқиға орнына ҚР ТЖМ-нің «Барыс» республикалық жедел-құтқару жасағы мен Алматы қалалық ТЖД құтқару қызметінің мамандары аттанды. Құтқарушылар Алма-Арасан пансионатына дейін жетіп, ары қарай таулы аймаққа жаяу көтерілген. Мамандардың шатқалға жетуі шамамен 2,5 сағатқа созылған.

Іздестіру барысында құтқарушылар жарақат алған жасөспірімді тауып, оған алғашқы көмек көрсетті. Кейін арнайы тасымалдау жұмыстары жүргізіліп, жасөспірім қауіпсіз жерге жеткізілді.

Құтқарылған бала Апаттар медицинасы орталығының дәрігерлер бригадасына тапсырылды.