Бұл жөнінде Табиғи монополияларды реттеу комитеті төрағасының орынбасары Нұрлан Болатбаев айтты. Оның сөзінше, тарифтерді қайта қарау үшін алдымен қызмет көрсетуші ұйымдардың өтініштері қаралуы керек.

Еске салайық, 2026 жылдың бірінші тоқсаны аяқталғанға дейін коммуналдық қызмет бағасын өсіруге уақытша шектеу қойылған еді. Осы уақыт аралығында монополистердің инвестициялық міндеттемелерін орындау деңгейін жан-жақты тексеру көзделген.

Комитетте өткен жиында саланың тозу деңгейі 50 пайыздан асып кеткені айтылды. Егер бұл үрдіс инвестициялар арқылы тежелмесе, жыл сайын тағы да 2–3 пайызға өсіп отырады. Бұл өз кезегінде шығындардың ұлғаюына, соған сәйкес тарифтерді қайта қарауға алып келеді.

Қазірге дейін тарифті көтеруге қатысты нақты өтініштер түспеген. Дегенмен мұндай өтініштер жыл бойы қабылдана береді, ал алғашқысы сәуірде түсуі мүмкін.

Жаңа тарифтер бекітілмес бұрын бір ай көлемінде қоғамдық тыңдаулар өткізіледі. Өтініштерді қарау мерзімі 40 күннен 90 жұмыс күніне дейін созылады. Сондықтан кей өңірлерде тарифт