Танысының өтінішін қимаған азамат еңбекке жарамсыздығын көрсететін жалған құжат әзірлеген. Сот өкілдерінің айтуынша, айыпталушы жақынының әкімшілік қамауға алынғанын да білген.

Сырдария аудандық соты Қылмыстық кодекстің 385-бабының 1-бөлігімен айыпталған К. есімді тұлғаға қатысты қылмыстық істі қарады. Іс барысында ол өз кінәсін мойындаған. Заңсыз әрекет түсініктемемен және іс материалдарымен расталған.

Сот үкімімен К. кінәлі деп танылып, бір жыл мерзімге бас бостандығынан айырылды. Бұл жөнінде Сырдария аудандық сотының баспасөз қызметі мәлім етті.