Тараз қаласының түлегі Нұрқанат Қанат Ұлттық бірыңғай тестілеуден ең жоғары 140 балл жинады, -деп хабарлайды «Dalamedia» ақпараттық порталы.

Талапкердің сөзінше, мұндай нәтижеге жетуіне ұзақ жылғы дайындық, отбасының қолдауы және ұстаздарының сенімі себеп болған.

ҰБТ-ға дайындаған оқу орталығы талапкерге үш бірдей сыйлық ұсынып отыр. Атап айтқанда, Нұрқанат бизнес-класс санатындағы пәтер, Mercedes E-Class автокөлігі немесе 50 миллион теңге көлеміндегі ақшалай сыйақының бірін таңдай алады.

Сонымен қатар оқу орталығы оған алдағы төрт жыл бойы ай сайын 140 мың теңге көлемінде шәкіртақы төлейді. Ал талапкердің ата-анасына 3 миллион теңге көлемінде ақшалай сыйақы табысталмақ.