Қазақстанда 2026 жылы жол ережесін бұзған жүргізушілерге салынатын айыппұлдар күшейтілді, ал кейбір құқықбұзушылықтар үшін жаза 200 мың теңгеден асады, -деп хабарлайды «Dalamedia» ақпараттық порталы.

Жылдамдықты асыру деңгейіне қарай айыппұл да әртүрлі. 10–20 км/сағ асырса – 21 625 теңге, 20–40 км/сағ – 43 250 теңге, 40 км/сағ жоғары – 86 500 теңге. Қайталанған жағдайда 129 750 теңгеге дейін өседі.

Бағдаршам талабын елемеу – 43 250 теңге, қайталанса 64 875 теңге. Жаяу жүргіншіге жол бермеу – 43 250 теңге.

Тұрақ ережесін бұзу 21 625–43 250 теңге аралығында. Телефон қолдану мен қауіпсіздік белдігін тақпау – 21 625 теңге, қайталанса 43 250 теңге.

Полиция талабын орындамағандарға шамамен 173 мың теңге айыппұл қарастырылған. Айыппұлды 7 күн ішінде төлесе, 50 пайыз жеңілдік беріледі.